اسلام آباد ۔ 22 نومبر (اے پی پی) وزیراعظم محمد نواز شریف دی پشاور اچ ایف سی اہلکاراں تے دہشت گردی دے حملے دی مذمت کریندیں ہوئیں قیمتی جاناں دے ضیان تے ڈکھ تے افسوس کیتے۔منگل کوں وزیر اعظم ہائوس ولوں جاری ہک بیان دے مطابق وزیر اعظم محمد نواز شریف آکھیا جو ایجھے بزدلانہ حملے مادروطن توں انتہا پسندی اتے دہشت گردی دے خاتمے سانگے اساڈے عزم کوں متزلزل نی کر سگدے۔وزیر اعظم آکھیا جو اللہ سئیں مرحومین کوں آپنڑے جوار رحمت اچ جاہ ڈیوے اتے سوگوار ٹبراں کوں اے صدمہ سہنڑ دی توفیق ڈیوے۔