اسلام آباد ۔ 06 اکتوبر (اے پی پی) صدر مملکت ممنون حسین آکھیا جو جامعات اتے بئے تعلیمی ادارے معاشی ترقی اچ اہم کردار نبھا سگدن،تعلیمی اداریاں تے انسانی وسائل دی ترقی دی ودھکی ذمہ واری عائد ہوندی اے،ملک دے اعلیٰ تعلیمی نظام اچ پچھلے کجھ سالیں اچ بہتری آئی اے۔انہاں اے گالھ رفاہ انٹرنیشنل یونیورسٹی دے چانسلر حسن محمد خان اتے وائس چانسلر پروفیسر ڈاکٹر انیس احمد نال ملاقات اچ گالھ مہاڑ کریندیں ہوئیں آکھی جنہاں جمعہ کوں ایوان صدر اچ انہاں نال ملاقات کیتی۔صدر مملکت رفاہ یونیورسٹی اچ ویمن انسٹیٹیوٹ آف سائنس اینڈ ہیومنٹیزدے شعبے دے آغازدی تعریف کیتی۔ایں موقع تے رفاہ انٹرنیشنل یونیورسٹی دے چانسلر حسن محمد خان صدر مملکت کوں یونیورسٹی دے جاری منصوبیاں بارے بریفنگ ڈتی۔صدر مملکت چانسلر کوں ہر ممکن تعاون دا یقین ڈوایا۔
