اسلام آباد۔12ستمبر (اے پی پی) قائم مقام صدر سید یوسف رضا گیلانی پنجاب اچ اڄوکی چھل دی تباہ کاریاں تے ݙکھ اتے افسوس کریندیں ہوئیں آکھیا جو اے تباہ کاریاں بھارتی آبی جارحیت دا نتیجہ ہن۔ سینیٹ سیکرٹریٹ توں جاری بیان اچ انہاں متاثرہ خانداناں نال دلی ہمدردی اتے یکجہتی دا اظہار کیتا اتے جانی تے مالی نقصانات اُتے افسوس کیتا۔ قائم مقام صدر پاکستان آکھیا جو سیلاب نال ہزاراں دیہات پاݨی تلے آ ڳئن اتے عوام شدید اوکھ اچ اے۔ انہاں ملتان اتے پاسے دے علاقیاں اچ سیلابی صورتحال کوں تشویشناک قرار ݙیندیں ہوئیں خبردار کیتا جو وبائی بیماریاں کھنڈݨ دا خطرہ اے۔ قائم مقام صدر ہدایت کیتی جو عوام کوں بیماریاں توں بچاوݨ کیتے فوری طبی امداد ݙتی ونجے اتے میڈیکل ٹیماں دی متاثرہ علاقیاں تئیں بروقت رسائی یقینی بݨائی ونجے۔ انہاں غذائی اجناس، صاف پاݨی اتے ٻئی ریلیف چیزاں دی فراہمی اچ وی تیزی گھن آوݨ دی لوڑھ اُتے زور ݙتا۔ انہاں آکھیا جو عوام کوں ٻئے نقصانات توں بچاوݨ کیتے ریلیف آپریشنز اچ بہتری کیتی ونڄے اتے وفاقی تے صوبائی ادارے متاثرین دی اوکھ گھٹ کرݨ کیتے موثر اقدامات کرن۔ قائم مقام صدر عزم ظاہر کیتا جو حکومت سارے وسائل استعمال کر تے متاثرہ عوام دی بھرپور مدد کریسی اتے انہاں کوں اوکھے ویلھے اچ کلھا نہ چھوڑیا ویسی۔
.jpg)
