اسلام آباد۔19دسمبر (اے پی پی):افغانستان دی صورتحال تے او آئی سی وزرائے خارجہ کونسل دے 17 ویں اجلاس توں خطاب کریندے ہوئیں عالمی رہنماواں افغانستان اچ امن و استحکام کیتے علاقائی اتے عالمی تعاون دی لوڑھ تے زور ݙیندے ہوئیں پاکستان دی طرفوں ایں کانفرنس دی میزبانی دا خیرمقدم کیتے اتے آکھیے جو افغانستان اچ معاشی صوررتحال ٻہوں خراب اے ، افغانستان دے عوام اساݙی مدددے منتظر ہن ۔ اتوار کوں پارلیمنٹ ہائوس اچ پاکستانی دی میزبانی اچ منعقد تھیوݨ آلی اسلامی تعاون تنظیم دے وزرائے خارجہ کونسل دے 17 اجلاس دے افتتاحی سیشن توں خطاب کریندے ہوئیں سیکرٹری جنرل او آئی سی جنرل ابراہیم حسین طہٰ اجلاس توں خطاب کریندے ہوئیں سعودی عرب دی تجویز اتے پاکستان دی میزبانی اچ افغانستان دے مسئلے تے اجلاس کوں سݙݨ تے خوش آئندقرار ݙیندے ہوئیں آکھیے جو اوآئی سی دے اجلاس دے انعقاد کیتے بہترین انتظامات قابل تعریف اے۔ اے اجلاس سݙݨ پاکستان دے افغان بحران دے حل دے عزم داعادہ اے۔ انہاں آکھیے جو اساں افغانستان دی تکھے بدلدی ہوئی صورتحال تے نظر رکھی ہوئی اے اتے علاقائی امن و سلامتی اتے ترقی کیتے پرعزم ہیسے ۔ انہاں آکھیے جو افغانستان اچ امن و استحکام کیتے علاقائی تعاون دی ضرورت اے، سارے رکن ملک آپݨی صلاحیتاں امن ، سلامتی اتے استحکام کیتے وقف کرن، اوآئی سی ہمیشہ افغان مسئلے تے مضبوط موقف اپنائے ، افغانستان اچ امن خطے کیتے اہم ضرورت اے، اے اجلاس افغانستان دی مد کیتے کامیاب ثابت تھیسی ۔ سعودی عرب دے وزیر خارجہ شہزادہ فیصل بن فرحان السعودآکھیے جو او آئی سی اجلاس دے انعقاد اتے بہترین اتنطامات تے پاکستان کوں مبارکباد پیش کریندوں ، پاکستان اتنے گھٹ ویلھے اچ اجلاس دا انعقاد ممکن بݨائے، او آئی سی دے وزرائے خارجہ کونسل دے ایں اہم ترین اجلاس دے انعقاد تے پاکستان دے مشکورہیسے ، اجلاس اچ شرکت تے سیکرٹری جنرل او آئی سی اتے بئے ممبران دا مشکور ہاں۔ سعودی وزیرخارجہ آکھیے جو افغانستان اچ تریمت تے ٻالاں سودھے عوام مشکلات دا شکار ہن ، افغانستان اچ معاشی صوررتحال خراب اے ، افغانستان دے عوام ساݙی مدد دے منتظر ہن ،سعودی عرب افغانستان دے مسئلے کوں سمجھدے ۔ انہاں آکھیے جو افغانستان دےمعاملے کوں انسانی بنیاداں تے ݙیکھݨا ہوسی ۔ ایشیا گروپ آف او آئی سی رکن ملکاں دی طرفوں ترکی دے وزیر خارجہ میولود چاوش او لو کانفرنس دے انعقاد تے پاکستان اتے سعودی عرب دا شکریہ ادا کیتے۔ انہاں آکھیے جو اساں افغانستان دے عوام دے نال یکجہتی کریندوں جیڑھے جو ایں اوکھے ویلھے توں ݙوچار ہن ، انہاں آکھیے جو افغانستان دے 23 ملین عوام کوں بھک دا سامݨا اے ۔ ترک وزیر خارجہ افغانستان اچ انسانی بحران کوں روکݨ کیتے پاکستان، او آئی سی اتے اسلامی ترقیاتی بینک دیاں کوششاں تے کردار دی تعریف کیتی ۔
