اسلام آباد۔27جنوری(اے پی پی)صدر مملکت ڈاکٹر عارف علوی اڄوکے دور اچ ملکی ترقی کیتے ٹیکنالوجی گیپ مکاوݨ دی لوڑھ اے، انفارمیشن ٹیکنالوجی، مصنوعی ذہانت، آن لائن ایجوکیشن اتے سائبر سکیورٹی کوں ترقی سودھا سوشل میڈیا ٹولز دے مثبت استعمال دی اہمیت ودھیندے آکھیے جو ملک جتنا تیکھے انفارمیشن ٹیکنالوجی کوں اپنیسی اویں تیزی نال ترقی وی کریسی، مصنوعی ذہانت چوتھے صنعتی انقلاب دی ٻݨیاد اتے قوماں دی ترقی دا مستقبل اے، بیرون ملک پاکستانی ہنرمنداں دی لوڑھ پوری کرݨ کیتے جامعات کوں ورچوئل تعلیم نال طلباء دی تعداد ودھاوݨی ہوسی، سائبر حملیاں دا موثر تدارک کیتا ونڄے۔ اے ڳالھ انہاں نیشنل آئیڈیا بینک کانفرنس دے قومی سطح دے مقابلاں دی اختتامی تقریب نال خطاب اچ آکھی۔ انہاں آکھیا جو ملک اچ ودھدے ٹیکنالوجی گیپ کوں وپرا کرݨ دی لوڑھ اے، ٹیکنالوجی دا ودھا ستعمال کرݨا ویلھے دی وݙی لوڑھ اے۔
