اسلام آباد۔19نومبر (اے پی پی) وفاقی وزیرداخلہ محسن نقوی جے یو آئی دے سربراہ مولانا فضل الرحمن دے گھر ڳئے اتے انہاں نال ملاقات کیتی جئیں اچ آپسی دلچسپی دے معاملیاں تے ڳالھ مہاڑ کیتی ڳئی۔ وفاقی وزیرداخلہ محسن نقوی مولانا فضل الرحمٰن دی خیریت پچھی اتے انہاں کیتے نیک خواہشات دا اظہار کیتا۔ وزیرداخلہ محسن نقوی 26 ویں آئینی ترمیم دی منظوری اچ تاریخ ساز کردار تے مولانا فضل الرحمن دا شکریہ ادا کیتا۔ جے یو آئی دے سربراہ مولانا فضل الرحمن آکھیا جو اساݙی ترجیح پاکستان اتے پاکستانی عوام ہن۔
