واشنگٽن _15 مئي (اي پي پي ) آمريڪي پرڏيهي کاتي طرفان جاري ڪيل بيان ۾ چيو ويو آهي ته آمريڪا اڃان تائين رفع ۾ اهڙو ڪو وڏو فوجي آپريشن ناهي ڏٺو جنهن کي هو وسيع آپريشن جو نالو ڏئي سگهي . العربيه اردو نيوز مطابق پرڏيهي کاتي کان جاري ڪيل بيان ۾ چيو ويو آهي ته آمريڪا جو خيال آهي ته غزه کان آمريڪي شهرين کي ڪڍڻ لاءِ وڌيڪ ڪوششون ڪري سگهجن ٿيون . هن چيو ته اسان ڏٺو ته 12 مئي تي 50 ٽرڪ غزه ۾ داخل ٿيون ۽ اهي ضرورت کان گهٽ آهن .
