اسلام آباد ۔ 18 جون (اے پی پی) محکمہ موسمیات دے مطابق عید الفطر دا چندر 25 جون کوں نظر آونڑ دے واضح امکانات ہن جڈانجو عید الفطر 26 جون کوں ہوسی ۔ محکمہ موسمیات آکھے جو شوال دے چندر دی پیدائش 24جون کوں سویلے ست وج تے 31 منٹ اُتے تھی ویسی اتے چندر دی عمر 25 جون کوں غروب آفتاب دے ویلے 36 گھنٹیاں توں ودھ ہوسی ۔ محکمہ موسمیات دا بیا آکھنڑ ہئی جو ملک دے زیادہ تر حصیاں اچ 25 جون کوں موسم صاف یا جزوی طور تے جھڑآلا راہسی اتے چندر دی عمر چنگی چوکھی ہوسی اتے شوال دا چندر 25 جون دی شام ملک دے مختلف حصیاں اچ ڈیکھائی ڈے سگسی ۔
