اسلام آباد۔6اکتوبر(اے پی پی)وزیراعظم محمدشہباز شریف آکھیے جو قوم ملکی ترقی دے دشمناں کوں سنڄاݨ ڳئی اے، چار سال اچ ڄاݨ ٻڄھ تے سی پیک منصوبیاں کوں تعطل دا شکار کیتا ڳئے، ترقیاتی منصوبے ترجیحی مکمل تھیسن۔ اے ڳالھ انہاں چائنا روڈ اینڈ برج کارپوریشن دے نائب صدر ژی چنگیان (Ye Chengyin) دی اڳواݨی اچ وفد نال ملݨ ویلھے آکھی۔ ملاقات اچ وفاقی وزیرِ منصوبہ بندی احسن اقبال، معاونینِ خصوصی جہانزیب خان، ظفرالدین محمود وی موجود ہن ڄݙاں جو وفاقی وزیرِ سمندری امور سید فیصل سبزواری وڈیو لنک تے ٻیٹھے ہن۔ وزیرِ اعظم آکھیا جو اساں ملک و قوم دے پیسے دی حفاظت کیتے لوکاں کوں جوابدار ہیں، ترقیاتی منصوبیاں دی شفافیت یقینی ٻݨائی ویسی، اڄوکے سیلاب اچ ہتھ ونݙاوݨ تے چین دے مشکور ہیں، سی پیک دے تحت منصوبے ترجیحی بنیاد تے مکمل کیتے ویسن۔
