سرینگر۔5جنوری (اے پی پی):بھارت دے غیر قانونی زیر تسلط جموں و کشمیراچ کل جماعتی حریت کانفرنس دے نظر بند چیئرمین مسرت عالم بٹ اتے ٻئے رہنماواں تے تنظیماں اقوام متحدہ توں مطالبہ کیتے جو او کشمیریاں دے حق خود ارادیت دے حوالے نال اپݨی قرارداداں تے عملدرآمد دے ذریعے جھیڑا کشمیر حل کرے۔کشمیرمیڈیاسروس موجب مسرت عالم بٹ نئی دہلی دی بدنام زمانہ تہاڑ جیل توں بھیجے ڳئے اتے سری نگر اچ جاری تھیوݨ آلے ھک پیغام اچ آکھیے جو اقوام متحدہ دی سلامتی کونسل دی طرفوں 5 جنوری 1949 کوں کشمیریاں دے حق خودارادیت دے حق اچ منظور کیتی ڳئی قرارداد تے ہݨ تئیں عملدرآمد درآمد نہ تھیوݨ عالمی ادارے دے وجود تے وݙا سوالیہ نشان اے۔ انہاں آکھیے کشمیری گزریل کئی ݙھاکیں توں ایں حق دے حصول کیتے بے مثال قربانیاں ݙیندے پئن۔ انہاں نشاندہی کیتی جو بھارت دی ہٹ دھرمی اقوام متحدہ دی سلامتی کونسل دیاں قرارداداں تے عمل درآمد اچ ساریں توں وݙی رکاوٹ اے ۔کل جماعتی حریت کانفرنس دے چیئرمین آکھیےنریندر مودی دی زیرقیادت فسطائی بھارتی حکومت 5 اگست 2019 کوں غیر قانونی اتے یکطرفہ طور تے مقبوضہ علاقے دی خصوصی حیثیت ختم کرتے اینکوں بھارت اچ زبردستی ضم کریندے ہوئیں جموں و کشمیر دی متنازعہ حیثیت کوں بدلݨ دی کوشش کیتی ۔
