لاہور۔19مئی (اے پی پی) سپیکر قومی اسمبلی راجہ پر ویز اشرف آکھیا جو جناح ہائوس لاہور اتے پشاور ریڈیو تے شر پسندداں دا حملہ قابل مذمت اے، پوری قوم نو مئی دے واقعے تے ݙکھ اچ اے۔ جمعے کوں جناح ہاؤس دے دورے دے موقع تے میڈیا نال ڳالھ مہاڑ کریندیں ہوئیں راجہ پر ویز اشرف آکھیا جو ملک اچ تھیوݨ آلے نو مئی دے واقعے دی جتنی مذمت کیتی ونڄے ڳھٹ اے۔ ایجھے واقعیاں نال ملک دی بدنامی اتے جڳ ہنسائی تھیندی اے۔ انہاں آکھیا جو آپت اچ سیاسی اختلاف ہوون پر ملک دا ضیان نہ کیتا ونڄے۔ قومی سلامتی اتے املاک دا ضیان کرݨ کہیں صورت ملک دوستی نی، ہر محب وطن ایں شرپسند واقعے دی مذمت کریندا پے۔ سپیکر قومی اسمبلی آکھیا جو میں سوچ وی نی سڳدا جو کوئی محب وطن اپݨے ملک اتے اداریاں دے خلاف ایں حد تئیں ونڄ سڳدے۔
