اسلام آباد۔12اگست (اے پی پی) وزیراعظم شہباز شریف آکھیا جو حکومت معیشت کوں دیوالیہ تھیوݨ توں بچا ڳھدے، پاکستان اتے ترکہ وچال تجارتی معاہدہ مستقبل دے تجارتی تعلقات دی سمت متعین کریسی۔ ترائے سال اچ ݙو پاسہ حجم پنج ارب ڈالر تئیں ڳھن ویسوں۔ درآمدی ایندھن تے خرچ تھیوݨ آلا قیمتی زرمبادلہ بچاوݨ کیتے پن بجلی، شمسی توانائی اتے ہوا نال بجلی ٻݨاوݨ جیھے منصوبے تے انحصار کریسوں۔ ترک کمپنیاں پاکستان اچ پنج بجلی دے منصوبیاں اچ سرمایہ کاری کرن۔ اے ڳالھیں انہاں جمعے کوں ترکیہ دے وزیر تجارت مہمت موش دے اعزاز اچ ݙتے ڳئے ظہرانے نال خطاب کریندیں ہوئیں آکھی۔ تقریب اچ وفاقی وزراء، ارکان پارلیمنٹ اتے ٻئے اعلیٰ افسر شریک تھیے۔ وزیراعظم آکھیا جو اساکوں رَل تے آپݨی توانائیاں اتے وسائل ودھدے ہوئے درآمدی بل تے خرچ کرݨ دی بجائے سستے توانائی دے ذرائع تے توجہ ݙیوݨی چاہیدی اے جئیں نال اساݙے زرعی، صنعتی اتے ٻئے شعبیاں کوں وی فائدہ تھیسی اتے سستی توانائی ملسی۔
.jpg)
.jpg)
.jpg)
