اسلام آباد۔19اکتوبر(اے پی پی) قائم مقام سپیکر زاہد اکرم درانی وزارت توانائی تے سرکاری افسران دی سوالاں دے وقفے ویلھے ایوان اچ موجود نہ ہووݨ دا سخت نوٹس گھندے ہوئیں سیکرٹری پاور ڈویژن کوں وختی سݙݨ دا حکم ݙے ݙتا تے حکومت کوں ہدایت کیتی اے جو سوالاں دے وقفے اچ جیڑھیاں وزارتاں دے گریڈ 20 متعلق افسر اتھاں کائنی انہاں دے خلاف کاروائی کرتے وختی قومی اسمبلی کوں رپورٹ ݙتی ونڄے ۔قومی اسمبلی اچ سوالاں دے وقفے ویلھے مسلم لیگ (ن) دے رکن شیخ روحیل اصغر دے پاور ڈویژن دے حوالے نال سوال دا جواب ݙیوݨ کیتے متعلقہ وزیر وی موجود نہ ہن تے وزارت توانائی دی طرفوں متعلقہ کوئی وی سرکاری افسر آفیشل گیلری اچ موجود نہ ہئی جیں تے شیخ روحیل اصغر سودھے ٻئے ارکان سخت ردعمل دا اظہار کیتے جیں تے قائم مقام سپیکر زاہد اکرم درانی سیکرٹری پاور کوں وختی سݙ ڳھدا ۔ سپیکرہدایت کیتی جو جیں محکمے توں گریڈ 20 توں اتے دے افسران موجود کائنی انہاں دے خلاف خلاف کارروائی کرتے اساکوں رپورٹ ݙتی ونڄے۔
