لاہور۔19اپریل (اے پی پی):پنجاب اچ 23 اپریل توں مینھ وسݨ دا نواں سلسلہ داخل تھیسی ،اتلے پنجاب دے علاقیں اچ 23اپریل کوں ہلکا مینھ وسݨ دا امکان اے ۔ ترجمان پی ڈی ایم اے موجب 26 توں 29اپریل تئیں اتلے پنجاب اچ کھمݨ نال طوفانی مینھ وسݨ تے ڳڑھا وسݨ دا امکان اے ۔ 18 توں 21اپریل تئیں مینھ وسݨ دا الرٹ پہلے ہی جاری کرݙتا ڳئے ۔ترجمان موجب کسان کݨک دی فصل موسم دی صورت حال کوں سامݨے رکھ تے کرن ۔ وزیر اعلی پنجاب دی ہدایات موجب انتظامیہ چووی گھنٹے الرٹ اے،موسم دی نویں صورتحال تے وی صوبے دی ضلعی انتظامیہ کوں ݙسا ݙتا ڳئے ۔ڈی جی پی ڈی ایم اے عرفان علی کاٹھیا دا آکھݨ ہئی جو پی ڈی ایم اے ہر ویلھے موسمی صورت حال تے نظر رکھی ہوئی اے ،ریسکیو ادارے ، ضلعی انتظامیہ سانڳے آندے ݙاہ ݙینھ ٻہوں اہمیت رکھیندن ۔ قدرتی طوفان ، مینھ توں گھٹ توں گھٹ ضیان تھیوے ایں سانڳے ہر ممکن کوشش کیتی ویسی ۔ پاݨی آلے علاقیں توں نکاسی کوں بہتر بݨایا ویسی ۔ عوام الناس اچ موسمی تبدیلیاں بارے شعور اجاگر کرݨ ضروری اے،شہریاں توں گزارش اے طوفان اچ بجلی دے کھمبیں توں ھک پاسے رہن ۔ ایمرجنسی اچ متعلقہ ضلعی انتظامیہ نال رابطہ کرن۔
.jpg)
.jpg)
