اسلام آباد۔17اگست(اے پی پی) نائب وزیراعظم و وزیر خارجہ اسحاق ڈار آکھیے جو گیس دی مسلسل فراہمی نال کھاد دے پلانٹس پوری صلاحیت نال چل سڳسن ، کافی پیداوار اتے بفر سٹاک نال یوریا بیگ دی قیمت مستحکم رہسی ، مستحکم قیمت کساناں اتے دیہی معیشت سانڳے چنڳی خبر اے ، صوبائی حکومتاں مارکیٹ دی نگرانی ودھاون تاں جو منافع خوراں کوں قلت پیدا کرݨ دا کوئی موقع نہ ملے ۔ نائب وزیر اعظم دے دفتر توں جاری بیان موجب اے ڳالھ انہاں آپݨی صدارت اچ یوریا دی دستیابی دے حوالے نال دفتر خارجہ اچ اجلاس اچ آکھی اے ۔ نائب وزیراعظم و وزیر خارجہ اسحاق ڈار دی زیر صدارت یوریا دی دستیابی دے حوالے نال اجلاس اچ موجودہ خریف دے دوران یوریا دی دستیابی تے قیمتاں تے اطمینان دا اظہار کیتا ڳئے تے آوݨ آلے ربیع سیزن دے دوران کݨک رہاوݨ سانڳے کھاد دی وافر مقدار اتے مناسب قیمت تے دستیابی یقینی بݨاوݨ سانڳے مختلف اقدامات تے غور کیتا ڳئے۔ یوریا دی دستیابی تے اجلاس اچ نائب وزیراعظم و وزیر خارجہ اسحاق ڈار کوں یوریا دی دستیابی تے بریفنگ ݙتی ڳئی ۔ اجلاس اچ وزیر صنعت و پیداوار و نیشنل فوڈ سکیورٹی رانا تنویرحسین، وزیر پیٹرولیم ڈاکٹر مصدق ملک، وزیر تجارت جام کمال، وزیر اقتصادی امور احد چیمہ، سیکرٹری صنعت و پیداوار، سیکرٹری پیٹرولیم تے ٻئیں شرکت کیتی ۔ اجلاس اچ موجودہ خریف اچ یوریا دی دستیابی اتے قیمتاں تے اطمینان تھئے۔ اجلاس اچ فیصلہ کیتا ڳئے جو پیٹرولیم ڈویژن اے ڳالھ یقینی بݨیسی جو سارے فرٹیلائزر پلانٹس کوں ربیع سیزن سانڳے گیس دی مسلسل ݙتی ونڄے ،گیس مسلسل ݙیوݨ درآمدات اتے زرمبادلہ دے ضیان توں بچایا ونڄے ۔ نائب وزیر اعظم آکھیے گیس دی مسلسل فراہمی نال کھاد دے پلانٹس پوری صلاحیت نال چل سڳسن ، کافی پیداوار اتے بفر سٹاک نال یوریا بیگ دی قیمت مستحکم رہسی ۔نائب وزیراعظم صوبائی حکومتاں تے زور ݙتے جو او مارکیٹ دی نگرانی ودھاون تاں جو قیمتاں برقرار رہن تے منافع خوراں کوں کتھائیں وی قلت پیدا کرݨ دا موقع نہ ملے
.jpg)
.jpg)
