مدينه منوره -25 اپريل (اي پي پي ) مدينه منوره ۾ عمره زيارت فورم جون سرگرميون جاري آهن، جتي ڄاڻايل اداري زائرين جي خدمت لاءِ هڪ سو کان به وڌيڪ پويلين قائم ڪيا آهن. سبق ويب سائيٽ موجب فورم تحت منعقد ايگزيبيشن ۾ سير و سياحت ۽ عمره خدمتون فراهم ڪندڙ ادارن به اسٽال لڳايا آهن جڏهن ته ڪيترن ئي اڪيڊمڪ ادارن پاران به شرڪت کي يقيني بڻايو ويو آهي. عمره زيارت بابت هوٽلنگ ، لاجسٽڪ سپورٽ صحت خدمت ۽ ٽيڪنالجي جي اداري به پنهنجي خدمتن کي متعارف ڪرائي رهيا آهن .
