اسلام آباد ۔ 29 جنوری (اے پی پی) وزیر مملکت برائے ریونیو حماد اظہر آکھیے جو اپنڑا ریونیو دا ہدف پورا کریسوں، معیشت استحکام دو ویندی پئی اے، جون اچ کاروباربیا سوکھا بنڑیسوں۔ ایوان بالا دے اجلاس اچ سینیٹر شیری رحمن دے ایف بی آرولوں 175 ارب روپے ریونیوکٹھا کرنڑ دا ہدف گھنڑ اچ ناکامی جیہڑی معیشت دی سست روی دا موجب بنڑدی پئی اے، دو توجہ ڈیواونڑ دے نوٹس دا جواب ڈیندے آکھیے جو ریونیو اچ کمی دا مطلب اقتصادی سست روی نئیں ہوندا، ریونیو اچ 175 ارب دا نئیں 162 بلین دا شارٹ فال اے، عالمی منڈی اچ تیل دیاں قیمتاں ودھدیاں پین،اساں ٹیکس گھٹ کریندے رہے ہیں تاں جو صارفین کوں نقصان نہ تھیوے، ایندے نال 20، 30 ارب دا شارٹ فال تھئے،جیندے بعد پٹرولیم دا مل گھٹ تھیونڑ شروع تھین تاں اساں وی ریلیف ڈتن۔انہاں آکھیے جو اساں عدالت اچ اپنڑا بھرپور موقف پیش کریسوں، اساں ان ڈائریکٹ ٹیکساں اچ کمی کیتی اے جیندے نال ریونیو گھٹ تھئے، پیپلزپارٹی دور اچ ایف بی آرٹیکس پورے کیتن نہ ہی پچھلے سال ایف بی آردا ہدف پورا تھئے، اساں اپنڑا ریونیو پورا کرنڑ کیتے بہوں ودھ کم کریندے پئے ہیں، پہلے تنقید تھیندی ہئی جو ٹیکسز لائے گین ، اج آہدن جو ٹیکس کیوں نئیں لائے۔
