اسلام آباد۔13اگست (اے پی پی):صدر مملکت ڈاکٹر عارف علوی دی اہلیہ بیگم ثمینہ عارف علوی ہفتے کوں یوم آزادی دے سلسلے اچ دستکاری بازار دادورہ کیتے تے پاکستان دی ڈائمنڈ جوبلی دا کیک کٹیے ۔بہبود کرافٹس اتے سیرینا ہوٹل مشترکہ طور تے ݙو ݙینھ وار دستکاری بازار دا اہتمام کیتا ہئی ۔ایں بازار دا مقصد پاکستان دے منفرد ثقافت، روایات اتے ٹیلنٹ دا اعتراف کرݨا تے اینکوں ودھارا ݙیوݨ ہئی ۔نمائش اچ روایتی دستکاریاں،کڑھائی آلے کپڑے،چادراں،دوپٹے،بیگزاتے فیس ماسک رکھیے ڳئے ہن۔انہاں دستکاریاں کوں مقامی سطح تے تیار کیتا ڳیا ہئی ، ایں موقع تے خاتون اول بیگم ثمینہ علوی مہمان خصوصی ہن ۔انہاں تریمتاں کوں با اختیار بݨاوݨ ،ملک دی روایتی دستکاریاں دے تحفظ،ملک دے تنوع کوں اجاگر کرݨ دیاں کوششاں دی تعریف کیتی اے ۔نمائش اچ زندگی دے مختلف شعبیں توں تعلق رکھݨ آلیاں تریمتاں بھرپور شرکت کیتی ۔
