ملتان۔30نومبر (اے پی پی):وفاقی وزیرمواصلات مولانا اسعد محمود حکومت پاکستان دی طرفوں ڈاک دے نظام اچ جدت گھن آوݨ کیتے کل ملتان جنرل پوسٹ آفس اچ سٹاف کوں مالکانہ حقوق تے موٹرسائیکل تقسیم کریسن ۔ترجمان جنرل پوسٹ آفس ملتان دے مطابق یونیورسل پوسٹل یونین(یوپی یو)دے اشتراک نال کوالٹی آف سروس فنڈ دے تحت ڈاک دی تقسیم دے نظام اچ بہتری تے تکھا کرݨ کیتے ھک ہزار موٹرسائیکل ملک بھردےپوسٹ میناں کوں ݙتے ویسن ۔پوسٹ مین سٹاف کوں سرکاری سطح تے موٹرسائیکلاں دی ترسیل نال نہ صرف غریب ملازمین کوں بہترسواری دی سہولت ملسی بلکہ انہاں دے سرکاری فرائض اتے ڈاک دی ترسیل دے مرحلے اچ وی بہتری آسی ۔ ایں سلسلے اچ ملتان جنرل پوسٹ آفس اچ سویلے 10.30 وڄے خصوصی تقریب منعقد تھیسی ۔
