اسلام آباد۔22جنوری(اے پی پی):وزیراعظم محمد شہبازشریف آکھیے جو سویڈن اچ قرآن پاک دی بے حرمتی دے گھنائونے فعل دی پرزور مذمت کریندوں، اے ناقابل قبول اقدام اے ۔ اتوار کوں آپݨے ھک ٹویٹ اچ وزیراعظم آکھیے سڄے ہتھ دے ھک انتہا پسند دی طرفوں قرآن پاک دی بے حرمتی دے گھنائونے فعل دی مذمت کیتے الفاظ کافی کائنی ۔انہاں آکھیے آزادی اظہار دے لبادہ کوں دنیا دے ݙڈھ ارب مسلماناں دے مذہبی جذبات کوں مجروع کرݨ کیتے استعمال نی کیتا ونڄ سڳدا ، اے اقدام ناقابل قبول اے ۔
