اسلام آباد۔5فروری (اے پی پی):وفاقی وزیر خزانہ و محصولات سینیٹر محمد اسحاق ڈار آکھیے پاکستان کشمیریاں کوں اقوام متحدہ دی طرفوں ݙتے ڳئے حق خودارادیت دی منصفانہ جدوجہد دی غیر متزلزل حمایت جاری رکھݨ دا اعادہ کریندے ۔ 5 فروری یوم یکجہتی کشمیر دے موقع تے آپݨے ٹویٹ اچ سینیٹر اسحاق ڈار آکھیے پاکستان اپݨے کشمیری بھراویں دے حق خودارادیت دی منصفانہ جدوجہد دی اپݨی غیر متزلزل سیاسی، اخلاقی اتے سفارتی حمایت کیتے پرعزم اے۔ اقوام متحدہ دا چارٹر اتے اقوام متحدہ دی متعلقہ قرارداداں کشمیریاں کوں حق خود ارادیت ݙیندن ۔انہاں آکھیے ہر سال 5 فروری دا ݙینھ یوم یکجہتی کشمیر دے طور تے منایا ویندے جیں دا مقصد کشمیریاں نال اظہار یکجہتی کرݨا اے جیڑھا جو گزریل 75 سالاں توں ساری مشکلات دے باوجود اپݨے حق خودارادیت کیتے جدوجہد کریندے پئن ۔
