بغداد۔5جون (اے پی پی):وزیر خارجہ بلاول بھٹو زرداری عراق دے ترائے ݙینھ دے سرکاری دورہ دے موقع تے بغداد اچ عراقی وزیر خارجہ ڈاکٹر فواد حسین دے نال ملاقات کیتی۔ دفتر خارجہ موجب وزیر خارجہ بلاول بھٹو زرداری ملاقات اچ آکھیے جو پاکستان اتے عراق وچال گھاٹے برادرانہ تعلقات ہن۔ ݙوہیں وزرا خارجہ وچال ملاقات اچ پاکستان اتے عراق دے وچال سفارتی تعلقات سودھے تعاون دی مختلف جہتاں تے ڳالھ مہاڑ کیتی ڳئی۔ ملاقات اچ پاکستان اتے عراق وچال تعلقات کوں مزید مستحکم کرݨ تے اتفاق کیتا ڳئے۔
