اسلام آباد۔12جولائی(اے پی پی)وزیراعظم عمران خان 13جولائی کوں اقوام متحدہ دے اعلیٰ سطح سیاسی فورم (ایچ ایل پی ایف) نال خطاب کریسن۔ اعلیٰ سطح سیاسی فورم، پائیدار ترقی کیتے 2030ء ایجنڈا اتے ایندے 17 پائیدار ترقیاتی اہداف تے عملدرآمد سانڳے اقوام متحدہ دا اہم پلیٹ فارم اے۔ وزیراعظم آپݨے خطاب اچ کووڈ۔19 وبا، اقتصادی پیش رفت اچ کمی اتے موسمیاتی تبدیلیاں دے خطرات تے قابو پاوݨ داوژن ڈیسن۔ او کووڈ۔19 توں پہلے دی صورتحال، اقدامات اتے کامیابیاں سانڳے تجاویز ݙیسن۔ وزیراعظم فورم دے موضوع ”کووڈ۔19 وباء سے پائیدار ریکوری کا حصول” سانڳے مختلف بین الاقوامی فورمز تے سفارشات وی ݙے چکین۔ فورم دے مکݨ تے کووڈ۔19 دے اثرات تے قابو پاوݨ کیتے سفارشات تے بین الوزارتی اعلامیہ وی جاری کیتا ویسی۔ ہر سال اقوام متحدہ اقتصادی و سماجی کونسل ولوں اعلیٰ سطح سیاسی فورم کیا ویندے جیندے اڄوکے صدر اقوام متحدہ اچ پاکستان دے مستقل نمائندہ منیر اکرم ہین۔
