پشاور۔31اگست(اے پی پی)صدر مملکت ڈاکٹر عارف علوی نوشہرہ دا دورہ کیتے جتھاں انہاں سیلاب دی صؤرتحال، نقصانات اتے امدادی کماں بارے بربفنگ ݙتی ڳئی۔ انہاں آکھیا جو اڄوکے سیلاب لوکاں دے جان اتے مال دا وݙا نقصان کیتے، اڳو تے سیلاب دی تباہ کاریاں تے قابو پاوݨ کیتے طویل المدتی منصوبہ بندی دی لوڑھ اے۔ انہاں گورنمنٹ ہائی سکول امان گڑھ نوشہرہ اچ امدادی کیمپ دا دوی دورہ کیتے اتے اتھاں سیلاب متاثرین نال وی ڳالھ مہاڑ کیتی۔ صدر آکھیا جو سیلاب خیبر پختونخوا دے علاقیاں نوشہرہ، چارسدہ، سوات، دیر، ڈی آئی خان، ٹانک اتے ٻئے ضلعیاں اچ تباہی مچائی اے، لوک بے گھر تھین، سیلاب ہوٹل، سڑکاں، پل، مکان، مال مویشی، کھڑیاں فصلاں اتے باغات وی وہا ڳھن ڳئے۔ انہاں صوبائی حکومت کوں سیلاب متاثرہ علاقیاں اچ مکان ٻݨاوݨ کیتے تیکھا کم کرݨ دی ہدایت کریندے امداد اتے بحالی ودھاوݨ دا آکھیے۔ صدر مملکت آکھیا جو مسلح افواج سودھا سارے حکومتی ادارے سیلاب زدگان دا رل تے ہتھ ونݙیندے پن، کے پی کے اتے ٻئے صوبیاں اچ سیلاب زدگان کوں محفوظ ڄاہیں تے پچاوݨ، امداد اتے بحالی کیتے پاک فوج، سارے حکومتی اداریاں اتے سماجی تنظیماں دا کردار قابل تحسین اے۔
.jpg)
.jpg)