اسلام آباد۔9جون (اے پی پی):مالی سال 24۔2023دے بجٹ اچ 80 فیصد تکمیل آلے منصوبیں کوں مکمل کرݨ تے توجہ ݙتی ویسی تاں جو جون 2024 تئیں انہاں دی تکمیل کیتی ونڄ سڳے ۔ وزیر خزانہ محمد اسحاق ڈار بجٹ تقریر کریندے ہوئیں آکھیے براہ راست غیر ملکی سرمایہ کاری کوں راغب کرݨ تے جدید ترین انفراسٹرکچر دی فراہمی کیتے پی ایس ڈی پی دا 52 فیصد حصہ مختص کیتا ڳئے ۔ انہاں آکھیے انفراسٹرکچر دے شعبے اچ ٹرانسپورٹ اتے کمیونیکیشن کیتے مجوزہ مختص رقم 267 ارب روپے (جیڑھی جو کل حجم دا 28 فیصد اے)، واٹر سیکٹر کیتے مختص رقم 100 ارب روپے (11 فیصد)اے۔ توانائی دے شعبے کیتے مجوزہ مختص رقم 89 ارب روپے (کل مختص رقم دا 9 فیصد اے)۔ فزیکل پلاننگ اینڈ ہائوسنگ (PP&H) کیتے مجوزہ مختص رقم 43 ارب روپے یعنی کل مختص رقم دا 4 فیصد اے۔
.jpg)
.jpg)