اسلام آباد۔25جون (اے پی پی):وفاقی وزیر اطلاعات و نشریات چوہدری فواد حسین سبی اچ ایف سی نینگراں تے دہشت گرد حملے دے ودھ ساری مذمت کیتی اے ۔ آپݨے بیان اچ وفاقی وزیر اطلاعات آکھیے جو ملک دی خاطر شہید تھیوݨ آلے قوم دے محسن ہن ، ملک دشمن عناصر اپݨے عزائم اچ کݙاہیں کامیاب نہ تھیسن ،دہشت گردی دے خلاف جنگ اچ پوری قوم سکیورٹی فورسز دے رلے کھڑی اے، بزدلانہ کارروائیاں توں امن و امان دیاں کوششاں کوں سبوتاژ نی کیتا ونڄ سڳدا۔ چوہدری فواد حسین آکھیے جو سکیورٹی فورسز امن و امان دی بحالی کیتے قربانیاں ݙتن ۔ انہاں آکھیے شہیداں دے لواحقین دے ݙکھ اچ برابر دے شریک اوں ، انہاں دعا کیتی جو اللہ تعالیٰ شہیداں کوں آپݨے جوار رحمت اچ جاہ تے لواحقین کوں صبر ݙیوے۔
