اسلام آباد۔24مارچ(اے پی پی)وفاقی وزیر اطلاعات و نشریات چوہدری فواد حسین آکھیے جو ہارس ٹریڈنگ اتے ضمیر فروشی دا کھیݙ بند تھیوݨا چاہیدے، گھوڑا ڳݙھاں منݙی نہ چلسی، سندھ ہائوس اچ تھیوݨ آلے بدبودار کھیݙ دا مداوا نئیں تھی سڳدا، جیویں ضمیر فروشی تھیندی پئی اے اوکوں روکݨ ضروری اے، ایم این اے دا ووٹ پارٹی دا ووٹ اے، ووٹ کاسٹ کرݨ یا نہ کرݨ دا فیصلہ سپیکر کریسن اتے تاحیات نااہلی دا فیصلہ سپریم کورٹ کرݨے، ہارس ٹریڈنگ روکݨ کیتے اے کیس ٻہوں اہم اے جیندے نال پاکستان اچ ہک نویں سیاست دی بنیاد رکھی ویسی۔ اے ڳالھ انہاں سپریم کورٹ دے باہرو وفاقی وزیر توانائی حماد اظہر دے رلے میڈیا نال الیندے آکھی۔ انہاں آکھیے جو ایم اے دے ووت بارے کیس اچ سپریم کورٹ اچ اٹارنی جنرل دے دلائل جاری ہین، جیکر ایں ووٹ تے پابندی نہ ہوندی تاں ول آرٹیکل 63 اے دا فیدہ ہی کائنا ہا، پاکستان دا مستقبل ایندے نال جڑیا ہوئے جو عدلیہ ہارس ٹریڈنگ تے کارروائی کرے۔
