اسلام آباد – 03 جولاءِ (اي پي پي) اطلاعات، نشريات، قومي تاريخ ۽ ادبي ورثي واري وفاقي وزير بئريسٽر سيد علي ظفر چيو آهي ته تعليم هڪ طاقتور هٿيار آهي جنهن سان نه رڳو پاڪستان پر دنيا کي به تبديل ڪري سگهجي ٿو، دهشتگردي ۽ پاڻي چئلينجن وانگر تعليم کي به چئلينج سمجهي ان شعبي ۾ ڪم ڪرڻ جي ضرورت آهي، تعليم ئي معاشري کي ترقي ۽ ملڪ کي خوشحالي جي رستي تي گامزن ڪري سگهي ٿي، اڄ جي ٻارن ۽ نوجوانن کي سڀاڻي ملڪ جون واڳون سنڀالڻيون آهن. هو نيشنل بڪ فائونڊيشن ۾ چلڊرن فري سمر ڪلب جي افتتاحي تقريب کي خطاب ڪري رهيو هو.
