سیالکوٹ ۔25 مارچ (اے پی پی):وزیر دفاع خواجہ محمد آصف آکھیے میکوں سیالکوٹ جتنی عزت بخشی اے میݙیاں نسلاں وی ایندا احسان نی ݙے سڳدیاں۔ عمر دے جیڑھے حصے اچ ہاں میکوں ایندا وی ادراک اے ۔ انہاں دا آکھݨ ۃئی جو ست منصوبے ایں شہر سانڳے ٻہوں ضروری ہن سارے سرکاری دفتر شہر توں ٻاہر منتقل تھیوݨے چاہیدن ، جنرل بس سٹینڈ کوں وی شاہر توں ٻہر منتقل تھیوݨا چاہیدے ایں سلسلے اچ میݙی وزیر اعلیٰ پنجاب مریم نواز شریف نال ملاقات اے، میں وزیر اعلیٰ پنجاب توں درخواست کریساں جو انہاں منصوبیں کوں پنج سال اچ مکمل کیتا ونڄے ۔ اے ڳالھ انہاں گزریل رات سیالکوٹ کینٹ دی ھک نجی مارکی اچ چیئرمین بورڈ آف گورنرز یونیورسٹی آف سیالکوٹ فیصل منظور دی طرفوں ݙتے ڳئے استقبالیہ و افطار ڈنر دے بعد شہریاں دے ھک نمائندہ اجتماع توں خطاب کریندے ہوئیں آکھی اے ۔ انہاں آکھیے جے اے دور اقتدار تکمیل دے مرحلے مکمل کرڳھدن تاں میݙی ایں شہر سانڳے خدمات دے 40 سال مکمل تھی ویسن جیں تے میں آپݨے رب دا جتا شکر ادا کراں گھٹ اے ۔
