اسلام آباد۔30جنوری(اے پی پی):مسلم لیگ (ن)دی سینئر نائب صدر تے چیف آرگنائزر مریم نوازشریف دے وفاقی دارالحکومت اسلام آباد سودھے پورے ملک اچ تنظیمی دوریں دے شیڈول دااعلان کرݙتا ڳئے۔ مسلم لیگ(ن) دی ترجمان اتے وفاقی وزیراطلاعات ونشریات مریم اورنگزیب موجب مریم نواز یکم فروری کوں بہالپوراچ ورکرزکنونشن توں خطاب کریسن جݙاں جو 2 فروری کوں بہاولپور اچ پارٹی داتنظیمی اجلاس تھیسی ، 5 فروری کوں ملتان اچ پارٹی کنونشن اتے 6 فروری کوں تنظیمی اجلاس منعقد تھیسی ۔ 9 فروری کوں مریم نواز ایبٹ آباد اچ کنونشن توں خطاب کریسن تے 10 فروری کوں ایبٹ آباد اچ پارٹی داتنظیمی اجلاس منعقد تھیسی۔ 15 فروری کوں ڈیرہ غازی خان اچ کنونشن اتے جلسے توں مریم نوازخطاب کریسن تے 16 فروری کوں ڈی جی خان اچ پارٹی دے تنظیمی اجلاس دی صدارت کریسن ۔ 19 فروری کوں راولپنڈی اچ ورکرزکنونشن تھیسی جݙاں جو 20 فروری کوں تنظیمی اجلاس منعقد تھیسی ۔ 23 فروری کوں مریم نوازشریف سرگودھا اچ ورکر کنونشن توں خطاب کریسن تے 24 فروری کوں مریم نوازسرگودھا اچ پارٹی تنظیمی اجلاس دی صدارت کریسن ۔ 27فروری کوں ساہیوال اچ ورکرزکنونشن تھیسی تے 28 فروری کوں مریم نواز پارٹی دےتنظیمی اجلاس دی صدارت کریسن ۔ 3 مارچ کوں گوجرانوالہ اچ کنونشن اتے 4 مارچ کوں تنظیمی اجلاس تھیسی ۔ 7 مارچ کوں شیخوپورہ اچ کنونشن اتے 8 مارچ کوں پارٹی دا تنظیمی اجلاس تھیسی ۔ 11 مارچ کوں فیصل آباد اچ مسلم لیگ (ن) کوں کنونشن اتے 12 مارچ کوں پارٹی داتنظیمی اجلاس تھیسی ۔ مریم نواز پشاوراچ 15 مارچ کوں پارٹی کنونشن توں خطاب کریسن تے 16 مارچ کوں تنظیمی اجلاس تھیسی۔ پارٹی ترجمان موجب لاہور ڈویژن اچ 19 مارچ کوں کنونشن اتے 20 مارچ کوں تنظیمی اجلاس تھیسی۔ مریم نواز شریف 23 مارچ کوں کوئٹہ ویسن تے ورکرزکنونشن توں خطاب کریسن ۔ 24 مارچ کوں کوئٹہ اچ مسلم لیگ (ن) داتنظیمی اجلاس تھیسی ۔ کراچی اچ ورکرز کنونشن 27 مارچ کوں تھیسی جݙاں جو 28 مارچ کوں پارٹی داتنظیمی اجلاس تھیسی ۔ مسلم لیگ (ن) دے رہنماڈاکٹر طارق فضل چوہدری موجب مریم نواز 11فروری کوں اسلام آباد اچ پارٹی کنونشن توں خطاب کریسن 12 فروری کوں اسلام آباد دے تنظیمی اجلاس دی صدارت کریسن ۔
