اسلام آباد۔2مئی (اے پی پی) سپیکر قومی اسمبلی راجہ پرویزاشرف منگل کوں پارلیمنٹ ہاؤس اچ ہنگری دے اسلامی تعمیراتی ورثے دی تصویری نمائش دا افتتاح کیتا۔ اے نمائش اسلامی جمہوریہ پاکستان دے 1973 دے آئین دی گولڈن جوبلی دی مناسبت نال کیتی ویندی پی اے۔ نمائش قومی اسمبلی سیکرٹریٹ اتے پاکستان اچ قائم ہنگری دے سفارتخانے دے تعاون نال تھیندی پی اے۔ نمائش اچ ارکین پارلیمنٹ ، سفارتکاراں ، سول سوسائٹی، میڈیا دے نمائندے اتے اعلی سرکار ی حکام شریک تھیے۔ نمائش اچ ہنگری دے شاندار اسلامی تعمیراتی ورثے اتے اسلامی تہذیب ایندے تعلق کوں تصویری فن پاریاں دے ذریعے اجاگر کیتا ڳے۔ سپیکر قومی اسمبلی ہنگری دے سفارتخانے ولوں تصویری نمائش کراوݨ تے شکریہ ادا کیتا اتے آکھیا جو ہنگری دے اسلامی تعمیراتی ورثے کوں سوھݨے انداز اچ اجاگر کیتے۔ ہنگری دے سفیر سپیکر قومی اسمبلی کوں اسلامی جمہوریہ پاکستان دے 1973 دے آئین دی گولڈن جوبلی تے مبارخ ݙتی۔
