اسلام آباد۔11ستمبر(اے پی پی) نگران وفاقی وزیر صحت ڈاکٹر ندیم جان آکھیے لاہور دے ماحولیاتی نمونے اچ پولیو وائرس دی تصدیق تھئی اے جیں توں بعد ملک اچ مثبت ماحولیاتی نمونیں دی تعداد 22 تھی ڳئی اے ۔سنوار کوں ھک بیان اچ قومی ادارہ صحت اچ قائم پولیو لیبارٹری موجب لاہور اچ ملتان روڈ توں ڳھدے ڳئے سیوریج دے نمونے اچ پولیو وائرس پاتا ڳئے جیں توں بعد ملک اچ مثبت ماحولیاتی نمونیں دی تعداد 22 تھی ڳئی اے ۔ڈاکٹر ندیم جان آکھیے لاہور توں اڄوکے سال ہݨ تئیں چار ماحولیاتی نمونے رپورٹ تھی چکن جنہاں اچوں ترائے نمونے جینیاتی طور تے افغانستان اچ وائرس نال جڑئن ، شہر اچ آخری پولیو کیس جولائی 2020 اچ رپورٹ تھیا ہئی ۔انہاں آکھیے ملک اچ کتھائیں وی وائرس دی موجودگی ہمیشہ تشویش دی ڳالھ اے تاں جو پاکستان پولیو پروگرام اڄوکے مہینے اچ پولیو سرویلنس دے نظام کوں مزید وسیع کیتے،اڄوکے سال پولیو لیب 1,700 توں ودھ ماحولیاتی نمونے ٹیسٹ کیتن جنہاں اچوں 22 مثبت آئے جیڑھے جو تقریباً ھک فیصد اے۔وزیر صحت آکھیے ملک اچ ہݨ تئیں ݙو پولیو کیس رپورٹ تھئن ، ݙوہیں متاثرہ ٻالاں دا تعلق خیبر پختونخوا دے ضلع بنوں توں اے ۔
