اسلام آباد – 27 ڊسمبر (اي پي پي) صدر ممنون حسين چيو آهي ته ملڪي سلامتي ۽ استحڪام جي لاءِ ضروري آهي ته قوم جي سمورن طبقن کي فيصلا سازي ۾ شريڪ ڪيو وڃي ته جيئن متفقه ۽ ٺوس تجويزن سان ملڪ صحيح رخ ۾ اڳتي وڌي سگهي، دهشتگردي جون پاڙون بيروزگاري سان به ڳنڍيل آهن، حڪمت عملي سان دهشتگردي جهڙن مسئلن تي ضابطو آڻي سگهجي ٿو، نوجوانن کي تعليم ۽ تربيت ۽ بروقت روزگار جي فراهمي ۾ سمورا ادارا گڏجي پنهنجو ڪردار ادا ڪن، صدر اها ڳالهه نيشنل ڊفينس يونيورسٽي جي 17 هين ڪانووڪيشن کي خطاب ڪندي چئي، جنهن ۾ صدر نيشنل ڊفينس يونيورسٽي ليفٽيننٽ جنرل ماجد احسان به خطاب ڪيو. صدر چيو ته پاڪستان سميت اڄ پوري دنيا ڪيترن ئي مسئلن جي ور چڙهيل آهي.
