اسلام آباد۔19جون (اے پی پی) سپیکر قومی اسمبلی راجہ پرویز اشرف یونان اچ ٻیڑی حادثے تے افسوس کریندیں ہوئیں آکھیا جو معصوم لوکاں کوں روزگار دا جھانسہ ݙے تے انسانی سمگلنگ اچ ملوث لوکاں نال سختی نال نبڑیا وںجے۔ پاکستان دی ترسیلات بند کرݨ دی اگر کہیں ڳالھ کیتی اے تاں قابل مذمت اے۔ سنوار کوں قومی اسمبلی دے اجلاس اچ وزیر دفاع خواجہ آصف ولوں چاتے ڳے نکات تے اپݨے ریمارکس اچ سپیکر آکھیا جو معصوم لوکاں کوں روزگار دا جھانسہ ݙے تے جرم کرݨ آلے عناصر نال حکومت سختی نال نبڑے اتے انہاں کوں سزا ݙیوے۔
