اسلام آباد۔28جون(اے پی پی)قائم مقام صدر محمد صادق سنجرانی عیدالاضحیٰ تے قوم کوں مبارک ݙیندے آکھ??ے جو عید الا ضحیٰ حضرت ابراہیم علیہ السلام دی اطاعت خداوندی اتے حضر ت اسماعیل علیہ السلام دی تسلیم و رضا دی شاندار مثال اتے یادگار اے ڄئیں قربانی دی ہک اینڄھی لازوال راویت ݙتی اے ڄیندی پیروی تا قیامت جاری رہسی، قربانی دا اے جذبہ ہک عالمگیر حیثیت رکھدے، ایثار ات?? قربانی دے بغیر کوئی وی قوم ترقی نئیں کرسڳدی۔ اپݨے سنیہے اچ قائمقام صدر آکھیا جو ساکوں اپݨے مفادات، ترجیحات اتے تعصبات ہک پاسے ست تے ملک و قوم دی ترقی و خوشحالی اتے اجتماعی فلاح و بہبود کیتے رل تے کم کرݨا ہوسی، ویلھا آڳئے جو بغیر کہیں وانڄھ دے ملکی ترقی و خوشحالی کیتے ہکو لائحہ عمل اپنائوں۔ عید دیاں خشیاں منیندے مالی طور تے حیݨے لوکاں دا ??ی خیال رکھݨا چاہیدے، کوئی ہمسایہ کوئی رشتے دار ایں بہترین موقع تے خشیاں توں محروم نہ رہ ونڄے، ساکوں وطن کیتے جاناں ݙیوݨ آلے جواناں کوں وی یاد کرݨا چاہیدے، دعا اے جو اللہ ایں عید تے ساکوں حقیقی خوشیاں ݙیوے، قربانی قبول کرے اتے ایں عظیم عبادت کوں ایندی روح دے مطابق سمجھ تے عمل کرݨ دی توفیق ݙیوے۔
.jpg)
