لندن۔15ستمبر(اے پی پی) وزیر خارجہ جلیل عباس جیلانی 10 ویں کامن ویلتھ یوتھ منسٹرز میٹنگ دی پہلی وزارتی ٹاسک فورس دے نویں ممبران دے اجلاس دی صدارت کیتی۔ دفتر خارجہ موجب ٹاسک فورس اپݨی ترجیحات اتے مستقبل دے لائحہ عمل تے اتفاق کیتا۔ اجلاس اچ ایں امر تے اتفاق کیتا ڳئے جو مستقبل اچ نینگراں دے امور کوں ترجیحات اچ رلایا ویسی ۔ مندوبین 10 ویں کامن ویلتھ یوتھ منسٹرز میٹنگ کوں چنڳے طریقے نال چلاوݨ تے پاکستانی وزیر خارجہ جلیل عباس جیلانی دی تعریف کیتی۔ ایندے نال ہی 10 ویں کامن ویلتھ یوتھ منسٹرز میٹنگ مک ڳئی اے۔
