اسلام آباد۔11مارچ (اے پی پی) وزیرِ اعظم محمد شہباز شریف تیل اتے گیس دی دریافت، ریفائننگ اتے تقسیم اچ نجی شعبے اتے مقامی تے ٻاہرلے سرمایہ کاروں کوں ہر قسم دی سہولت ݙیوݨ، رمضان المبارک اچ صارفین کوں بجلی تے گیس دی بلاتعطل فراہمی یقینی ٻݨاوݨ دی ہدایت کیتی اے۔ سنوار کوں وزیراعظم آفس دے میڈیا ونگ توں جاری بیان موجب وزیرِ اعظم محمد شہباز شریف دی صدارت پٹرولیم دے شعبے بارے اعلیٰ سطحی اجلاس تھیا۔ اجلاس اچ سینیٹراسحاق ڈار، سینیٹر ڈاکٹر مصدق ملک، شیزہ فاطمہ خواجہ، احد خان چیمہ، جہانزیب خان، محمد اورنگزیب، علی پرویز ملک اتے متعلقہ اعلیٰ حکام شریک تھیے۔ اجلاس کوں پٹرولیم اتے گیس دے شعبے دے گردشی قرضے، ٹائٹ گیس اتے سمندر تلوں قدرتی گیس اتے پٹرولیم دے ذخائر دی دریافت، انہاں توں فیدہ چاوݨ اتے ایں شعبے اچ بین الاقوامی سرمایہ کاری ودھاوݨ کیتے اقدامات بارے تفصیلی ݙسیا۔
.jpg)
