اسلام آباد – 25 – آڪٽوبر (اي پي پي) اطلاعات ۽ نشريات واري وفاقي سيڪريٽري عنبرين جان ۽ پرنسپل انفارميشن آفيسر مبشر حسن سينيئر صحافي حسن خان جي والده جي لاڏاڻي تي گهري ڏک ۽ افسوس جو اظهار ڪيو آهي. پنهنجي گڏيل تعزيتي بيان ۾ اطلاعات واري وفاقي سيڪريٽري چيو ته حسن خان جي والده جي لاڏاڻي جي خبر ٻڌي دلي افسوس ٿيو، والده جهڙي عظيم هستيءَ جو ڪو نعم البدل نه آهي. پرنسپل انفارميشن آفيسر مبشر حسن مرحومه جي لاڏاڻي کي سوڳوار خاندان جي لاءِ ناقابل تلافي نقصان قرار ڏيندي چيو ته پونئيرن جي ڏک ۾ برابر جا شريڪ آهيون. اطلاعات واري وفاقي سيڪريٽري ۽ پرنسپل انفارميشن آفيسر حسن خان جي مرحومه والده جي درجن جي بلندي ۽ پونئيرن جي لاءِ صبر جميل جي دعا ڪئي.