اسلام آباد۔20نومبر (اے پی پی) وزیر اعظم عمران خان آکھیاجو اساں ترجیحی بنیاداں تے پاکستان اچ چینی تجارت دی سپورٹ کریسوں اتے خصوصی اقتصادی زونز اچ سرمایہ کاری اچ ودھارے کیتے چین دی دلچسپی دے مشکور ہیسے، اے ڳالھیں انہاں چینی تاجراں دے ہک وفد نال ملاقات کریندیں ہوئیں آکھی جئیں دی قیادت چینی کمپنی چیلنج فیشن پرائیویٹ لمیٹڈ دی نمائندہ مادام چن یان کریندی پئی ہن۔ وزیراعظم آکھیا جو پاکستان اتے چین نہ صرف ماضٰ یا حال اچ ہک ݙوجھے نال جڑٰن بلکہ اے اساݙی مستقبل دے نسلاں نال وی متحد رہسن۔ انہاں آکھیا جو اساں ݙوہیں ملکاں دی عوام دے تعلقات دی تعریف کریندوں۔ وزیراعظم کوں ݙسیا ڳیا جو چینی تاجر گلاس، سرامکس اتے آئی ٹی دے شعبے اچ کم شروع کرݨ کیتے تقریباً تیار ہن، اے ڳالھ قابل ذکر اے جو معروف موبائل فون کمپنی OPPO دنیا دے معروف ٹیک مینوفیکچررز اچوں ہک اے، پاکستان اچ وی ہک مقامی موبائل مینوفیکچرنگ یونٹ تے ہک ریسرچ اینڈ ڈویلپمنٹ سینٹر ٻݨاوݨ ویندا پئے۔ ایں موقع تے وفاقی وزیر توانائی محمد حماد اظہر، مشیر تجارت عبدالرزاق داؤد،ترجمان و معاون خصوصی برائے سیاسی ابلاغ ڈاکٹر شہباز گل،معاون خصوصی سی پیک ایم خالد منصور، چین دے سفیر نونگ رونگ اتے مس چن یان سمیت اعلیٰ افسر موجود ہن۔
