اسلام آباد۔13جون(اے پی پی):پاکستان ایں ڳالھ دا اعادہ کیتے جو او اقوام متحدہ دی سلامتی کونسل دی قرارداداں موجب جھیڑا جموں و کشمیر دے منصفانہ اتے پرامن حل سانڳے کشمیریاں دی سیاسی، سفارتی اتے اخلاقی حمایت جاری رکھیسی ۔ اے ڳالھ دفتر خارجہ دی ترجمان ممتاز زہرہ بلوچ پریس بریفنگ اچ آکھی اے ۔ انہاں آکھیے11 جون کوں سری نگر دے چوٹہ بازار اچ تھیوݨ آلے قتل عام دی33 ویں برسی منائی ڳئی۔ ترجمان آکھیے 11 جون 1991 کوں بھارت دی سینٹرل ریزرو پولیس فورس (سی آر پی ایف) دے اہلکاراں شہریاں تے فائرنگ کرتے 32 لوکاں کوں شہید تے 22 کوں زخمی کرݙتا ہئی ۔ انہاں آکھیے شہداء اچ ھک معمر تریمت تے ھک ٻال شامل ہئی ۔ ترجمان آکھیے اساں ایں ݙکھ دے موقع تے متاثرین کوں یاد اتے انہاں سانڳے انصاف دا مطالبہ کریندوں۔
.jpg)