اسلام آباد۔26اگست(اے پی پی) وفاقی وزیر خزانہ و محصولات سینیٹر محمد اورنگزیب آکھیے حکومت برآمدات تے مبنی معیشت و نمو اتے براہ راست غیر ملکی سرمایہ کاری گھن آوݨ تے توجہ ݙیندی پئی اے ، ملک اچ کاروبار اتے سرمایہ کاری سانڳے سازگار ماحول ݙیوݨ حکومت دی اولین ترجیح اچ شامل اے۔ اے ڳالھ انھاں فن لینڈ دے ترقیاتی مالیاتی ادارے فن فنڈ دے نمائندے آنتی پارٹینن کوں ملاقات اچ آکھی اے ۔ ملاقات اچ پاکستان اچ سرمایہ کاری دے ممکنہ موقع ڳولݨ تے توجہ ݙتی ڳئی ۔ وزیر خزانہ فن لینڈ دے نمائندے کوں پاکستان اچ کلی معیشت دے اشارییں اچ چنڳائی تے ڈھانچہ جاتی اصلاحات دے ایجنڈے تے روشنی پاتی ۔ انھاں حکومت فیڈرل بورڈ آف ریونیو (ایف بی آر) دی ڈیجیٹلائزیشن، توانائی اتے ریاستی ملکیتی اداریں اچ اصلاحات تے نجکاری دے حوالے نال اقدامات کریندی پئی اے۔ انھاں آکھیے برآمدات تے مبنی معیشت اتے نمو، برآمدات دی بنیاد اچ وسعت اتے براہ راست غیر ملکی سرمایہ کاری گھن آوݨ تے حکومت دی توجہ اے ۔ فن لینڈ ترقیاتی ادارہ دے نمائندے ڈیجیٹل انفراسٹرکچر، قابل تجدید توانائی، زراعت اتے جنگلاں دے شعبہ جات اچ اپݨی دلچسپی ݙکھائی ، انھاں پاکستان اچ فن فنڈ دے پروفائل تے سرمایہ کاری دے اقدامات دا ھک جائزہ وی پیش کیتا۔ انھاں آکھیے پاکستان دی ودھدی نینگر آبادی اینکوں فنانسنگ سانڳے ھک پرکشش جاہ بݨیندی اے۔ انھاں فن فنڈ دی طرفوں ملک دے وکھرے شعبیں اچ سرمایہ کاری سانڳے آمادگی ظاہر کیتی۔ وفاقی وزیر پاکستان اچ کاروبار تے سرمایہ کاری سانڳے سازگار ماحول ݙیوݨ دے حکومتی عزم دا اعادہ کیتے
.jpg)