اسلام آباد۔20نومبر (اے پی پی):وفاقی وزیرداخلہ محسن نقوی نال سعودی عرب دے نائب وزیر داخلہ ڈاکٹر ناصر بن عبدالعزیز الداود ملاق??ت کیتی ج??ں اچ سانجھی دلچسپی دے امور ، پاک سعود??ہ تعلقات دے ودھارے ، پیرا ملٹری فورسز ، پولیس وفد دے سانجھے تبادلیں تے مشترکہ ٹریننگ دے امور تے ڳالھ مہاڑ کیتی ڳئی ݙوہیں ملکاں وچال قیدیاں دے تبادلے دے معاہدے تے عملدرآمد تے اتفاق تھئے۔ملاقات اچ سعودی عرب دے سفیر نواف بن سعید احمد المالکی وی اتھاں موجود ہن وزیرداخلہ محسن نقوی اسلام آب??د اتے ریاض کوں جاڑے شہر قرار ݙیوݨ دی تجویز ݙتی ج??ں تے سعودی وزیر اتفاق کیتا۔ ملاقات اچ فیصلہ تھئ?? جو ایں ضمن اچ مزید ضروری اقدام??ت کیتے ویسن ۔ ملاقات اچ پاکستان توں بھکاریاں کوں سعودی عرب بھجواوݨ آلے مافیا دی سرکوبی تے وی ڳالھ مہاڑ تھئی ۔ وزیر داخلہ ݙسائے 4300 بھکاریاں دے نام ای سی ایل اچ پاتے ڳئن ، انھاں آکھیے سعودی عرب وںجݨ آلے بھکاریاں دے خلاف زیرو ٹالرنس پالیسی اپنائی اے، ایجھے بھکاری مافیا دے خلاف ملک اچ موثر کریک ڈاؤن کیتا ویندا پئے، ایں ڳالھ تے اتفاق تھئ?? جو سعودی عرب اچ قید 419 پاکستانیاں دی وطن واپسی سانڳے قانونی کارروائی وختی مکمل کیتی ویسی۔ وزیر داخلہ محسن نقوی آکھیے سعودی عرب ساݙا بھرا اسلامی ملک اے، ݙو پاسے تعاون دے ودھارے سانڳے ہر ممکن تعاون کریسوں ، سعودی شہریاں سانڳے پاکستان آوݨ تے کوئی ویزا پابندی کائنی او جݙاں چاہن آسڳدن ۔ وفاقی وزیرداخلہ محسن نقوی سعودی عرب دے ولی عہد محمد بن سلمان دے وژن 2030 دی تعریف کیتی ، موجودہ قیادت اچ سعودی عرب 2030 تئیں معاشی، سماجی اتے اقتصادی شعبیں اچ اقوام عالم اچ چنڳی جاہ بݨا گھنسی ۔ نائب وزیر داخلہ سعودی عرب آکھیے پاکستان نال نیڑے تعلقات ہن جیں کوں اساں مزید ودھاوݨ چاہندوں جݙاں جو پیرا ملٹری فورسز اتے پولیس دے سانجھے تبالیں تے مشترکہ ٹریننگ سانڳے تیار ہیسے ۔ ایڈیشنل سیکرٹری داخلہ، سپیشل سیکرٹری داخلہ، کمانڈنٹ فرنٹیئر کانسٹیبلری، چیف کمشنر اسلام آباد، آئی ج?? اسلام آبادپولیس اتے ڈپٹی کمشنر اسلام آباد ایں موقع تے موجود ہن۔
